చలికాలం ప్రారంభం కాగానే కొందరికి కీళ్ల నొప్పులు, వాపు సమస్యలు వస్తుంటాయి. ఆర్థరైటిస్ రోగులు చలికాలంలో ఎంతో ఇబ్బంది పడతారు. ఈ సీజన్లో వారికి ప్రత్యేక శ్రద్ధ అవసరం. చలికాలంలో ఎన్నో రోగాలు మనపై దాడి చేసేందుకు సిద్ధంగా ఉంటాయి. కాబట్టి ప్రతి ఒక్కరూ జాగ్రత్తగా ఉండాలి.
వాస్తవానికి, చల్లని వాతావరణంలో తక్కువ ఉష్ణోగ్రత కారణంగా, కండరాలు సాగినట్టు అవుతాయి. దీని వల్ల కీళ్ళ చుట్టూ ఉన్న నరాల్లో వాపు మొదలవుతుంది. గట్టిగా మారిపోతాయి. దీనివల్ల కండరాలు నొప్పి పెట్టడం ప్రారంభమవుతాయి. ఇది కీళ్ల నొప్పుల సమస్యకు కారణమవుతుంది. మీరు కూడా ప్రతి సంవత్సరం చల్లని వాతావరణంలో కీళ్ల నొప్పులతో బాధపడుతుంటే, ఈ మూడు ఆయుర్వేద నూనెలతో మసాజ్ చేయడం వల్ల సమస్య నుండి ఉపశమనం కలిగిస్తాయి. ఈ మూడు ఆయిల్స్ తో మసాజ్ చేయడం వల్ల కీళ్ల నొప్పుల నుంచి ఉపశమనం కలిగిస్తుందో తెలుసుకుందాం.
వెల్లుల్లి నూనె
చలికాలంలో కీళ్ల నొప్పులు, వాపుల నుంచి ఉపశమనం పొందేందుకు వెల్లుల్లి నూనెతో మసాజ్ చేసుకోవచ్చు. ఈ నూనెతో మసాజ్ చేయడం వల్ల కీళ్ల నొప్పులు, వాపు నుంచి చాలావరకు ఉపశమనం లభిస్తుంది. వెల్లుల్లి నూనెను తయారు చేయడానికి, మీరు మొదట 2 టీస్పూన్ల ఆవ నూనెను కొన్ని వెల్లుల్లి రెబ్బలు వేసి మరిగించాలి. ఆ తర్వాత ఈ నూనెను చల్లార్చి ఒక బాటిల్ లో వేసుకోవాలి. ఆ నూనెతో కీళ్లకు మసాజ్ చేయాలి.
బాదం ఆయిల్
బాదం నూనెతో మసాజ్ చేయడం వల్ల కీళ్ల నొప్పుల సమస్య తగ్గుతుంది. బాదం నూనెలో ఉండే విటమిన్ ఇ ఎముకలను బలోపేతం చేయడం ద్వారా కీళ్ల నొప్పులు, మంటను తగ్గించడంలో సహాయపడుతుంది. బాదం నూనెతో కీళ్లను మసాజ్ చేయాలంటే గోరువెచ్చని నీటితో కీళ్లకు మసాజ్ చేయాలి. ఇలా చేయడం వల్ల కీళ్ల నొప్పుల నుంచి చాలా ఉపశమనం లభిస్తుంది. బాదం ఆయిల్ కాస్త ఖరీదైనదే… కానీ కీళ్ల నొప్పులను బాగా తగ్గిస్తుంది.
నువ్వుల నూనె
కీళ్ల నొప్పుల నుంచి ఉపశమనం పొందడానికి నువ్వుల నూనెతో కూడా మసాజ్ చేయవచ్చు. నువ్వుల నూనెలో ఒమేగా 3 ఫ్యాటీ యాసిడ్స్, జింక్, ప్రోటీన్, కాల్షియం వంటి పోషకాలు పుష్కలంగా ఉంటాయి. ఇది కీళ్లకు మసాజ్ చేసేటప్పుడు ఎముకలకు పుష్కలంగా పోషణ ఇవ్వడం ద్వారా కీళ్ల నొప్పుల సమస్యను తగ్గిస్తుంది.
(గమనిక: అధ్యయనాలు, హెల్త్ జర్నల్స్ నుంచి సేకరించిన సమాచారాన్ని మీ కోసం ఇక్కడ అందిస్తున్నాం. ఇది కేవలం సమాచారం మాత్రమే. ఇది వైద్యానికి లేదా చికిత్సకు ప్రత్యామ్నాయం కాదు. ఆరోగ్యానికి సంబంధించి సందేహాలుంటే వెంటనే వైద్యులను సంప్రదించండి.)